tg-me.com/kitoboqiuz/4818
Last Update:
#Kichik_hikoya
📖 Bir kuni bir shoh xazinasiga g‘aznachi tayinlamoqchi bo‘libdi va munosibini tanlab olish uchun nomzodlarni sinovdan o‘tkaza boshlabdi. Sinov shundan iborat ekanki, kim chiroyli o‘ynasa, o‘sha g‘aznachi bo‘lar ekan. Nomzodlar raqslarini namoyish etishlaridan avval bir xonaga bir fursat o‘tirib, keyin shohning huzuriga kirishar ekan.
Hamma nomzodlar raqslarini namoyish etishayotganda qandaydir og‘ir va shubhali harakatlarni amalga oshirishar ekan. Biroq, bir nomzod shunday yengil va bexijolat raqs ko‘rsatibdiki, shoh o‘shani g‘aznachi qilib tayinlashni buyuribdi.
Vazirlar nimaga bunday qilganini so‘rashganida, shoh shunday javob qilibdi:
– Har bir nomzod raqsini ko‘rsatishidan avval tillolar to‘ldirib qo‘yilgan xonaga kiritib qo‘yildi va ular tillolarni hamma yeriga joylab chiqishdi. Natijada, raqs ko‘rsatayotganda yashirgan tillolari bilinib qolmasligi uchun og‘ir harakat qilishdi. Faqatgina hech qanday oltin yashirmagan nomzodgina qushdek yengil o‘ynadi.
📌 Darhaqiqat, odam qanchalik toza bo‘lsa, harakatlari shunchalik erkin bo‘ladi.
💠 @kitoboqiuz👈
BY Kitob O‘qi
Share with your friend now:
tg-me.com/kitoboqiuz/4818